Часопіс “Маладосць” даўно хацеў стварыць “дзіцячы” нумар, у які ўвайшлі б… Не, не дзіцячыя вершы або “казкі для чытання нанач” (хаця і яны таксама, чаму б і не), а ўсё тое, што закранае, уздымае, узварушвае, зрушвае, пракладае: пытанні-праблемы-задачы-шляхі, звязаныя з выхаваннем новага пакалення. З выхаваннем, у першую чаргу, эстэтычным, грамадзянскім, маральным, эмацыйным, духоўным, літаратурным.

Што патрабуецца / прымаецца на разгляд / будзе сустрэта прыхільна / з удзячнасцю прынята ў друк:

• яркія, вострыя, “паваротныя” артыкулы тых, хто ведае, што піша;
• гутаркі з тымі, каму ёсць што сказаць;
• аўтарытэтныя меркаванні па актуальных пытаннях, выказаныя ў форме невялікіх эсэ;
• развагі, назіранні, прапановы, парады — усё, што сапраўды мае карысць;
• мастацкія творы “на тэму”.

Рэдакцыя хоча бачыць аўтарамі гэтага выпуска:

• настаўнікаў з вялікай літары;
• сапраўдных псіхолагаў;
• свяшчэннікаў;
• бацькоў, бабуль, дзядуль;
• дзяцей, якім ёсць што сказаць дарослым;
• празаікаў і паэтаў.

“Дзіцячы” нумар “Маладосці” запланаваны на першае паўгоддзе 2021 года.

Інфармацыя падрыхтавана па матэрыялах часопіса «Маладосць».