​Канал «Культура» вызначыў пераможцаў радыёконкурсу сучаснай п'есы «Беларускі радыётэатр 2.0»

​Канал «Культура» вызначыў пераможцаў радыёконкурсу сучаснай п'есы «Беларускі радыётэатр 2.0»

Канал «Культура» Беларускага радыё вызначыў пераможцаў радыёконкурсу сучаснай п'есы «Беларускі радыётэатр 2.0», які быў абвешчаны ў сакавіку і прысвячаўся 95-годдзю айчыннага радыёвяшчання.

Арганізатар творчага спаборніцтва прапанаваў на выбар чатыры тэмы для конкурсных матэрыялаў: «Сучасная беларуская культура і нацыянальныя традыцыі», «Чалавек у глабальным свеце», «Сучасная асоба і радыё» і «Гарманічныя адносіны чалавека з прыродай». Сярод асноўных задач конкурсу былі пошук таленавітых сучасных аўтараў, развіццё мастацкага радыёвяшчання ў краіне, стымуляванне творчай моладзі і яе далучэнне да радыёвяшчання.

Удзельнікамі конкурсу сталі самадзейныя і прафесійныя драматургі розных узростаў са сталіцы, абласных і раённых цэнтраў. Найбольшую цікавасць аўтараў выклікалі маральна-этычныя праблемы ў сучасным грамадстве. Згодна з рашэннем журы, у склад якога ўваходзілі прафесійныя пісьменнікі, прадстаўнікі тэатральнага і радыёмастацтва, вызначаны ўладальнікі другога і трэцяга месцаў. Імі сталі Васіль Ткачоў з Гомеля за п'есу «Пераправа» і Улада Альхоўская за п'есу «Гэты ваш лес». Пераможцы атрымаюць дыпломы і памятныя прызы ад арганізатара.

Інфармацыя падрыхтавана па матэрыялах Выдавецкага дома «Звязда».

Опубликовано:
Просмотров:
680