Нацыянальная літаратурная прэмія - 2018

Нацыянальная літаратурная прэмія - 2018

Мiнiстэрства iнфармацыi працягвае прымаць заяўкі на ўдзел у Рэспубліканскім конкурсе “Нацыянальная літаратурная прэмія”.

Гомельскае абласное аддзяленне Саюза пісьменнікаў Беларусі вылучыла на Рэспубліканскі конкурс “Нацыянальная літаратурная прэмія” у намінацыі “Лепшы твор для дзяцей i юнацтва” кнігі Надзеі Пятроўны Дзмітрыевай “Сюрприз от сестрички” і Ганны Мікалаеўны Атрошчанка “Казачны ласунак”.

“Казачны ласунак” (выдавец – “Рэдакцыя газеты “Гомельская праўда”, 2017) – не першая кніжка Ганны Атрошчанка для дзяцей. Пісьменніца піша не толькі вершы, але і кароткія апавяданні, казкі. Ганна Атрошчанка лічыць, што сучасныя казкі таксама цікавяць многіх чытачоў – і не толькі маленькіх, але і дарослых. Новая кніжка пісьменніцы – гэта сучасныя, цікавыя казкі, якія дапамагаюць лепш пазнаць і зразумець навакольны свет, узаемаадносіны паміж людзьмі, шматлікія прыродныя з’явы.

Кніга “Сюрприз от сестрички”, якую складаюць разнастайныя казкі і гісторыі, прызначана мамам, татам, бабулям і дзядулям для чытання дапытлівым дзецям.

 

         ПРЫЁМ ЗАЯВАКНА НАЦЫЯНАЛЬНУЮ ЛІТАРАТУРНУЮ ПРЭМІЮ–2018 ПРАЦЯГВАЕЦЦА.


Опубликовано:
Просмотров:
570