«Звязда» — дзецям!
Выдавецкі дом «Звязда» працягвае серыю сустрэч з беларускімі пісьменнікамі. Гэтым разам у філіяле дзіцячай бібліятэкі № 3 города Мінска прэзентацыю сваёй кнігі правяла казачніца Кацярына Хадасевіч-Лісавая, якая прыйшла да юных чытачоў разам з Вухуцікам – галоўным героем сваёй новай кнігі-перакруткі «Вухуцік. Васільвася».
Вельмі зацікавіліся хлопчыкі і дзяўчынкі ўнікальнай магчымасцю тэлепартацыі праз Міжпрасторавы партал, які казачніца… прынесла з сабой! Шчырае захапленне выклікала прапанова націснуць на кнопку і перанесціся ў паралельную галактыку, здзейсніць касмічную вандроўку, пазнаёміцца з іншапланетнымі істотамі.
Інтэрактыўная прэзентацыя кнігі дала магчымасць дзецям паглыбіцца ў сюжэт і адчуць сябе побач з героямі ў час іх неверагодных прыгодаў. Зацікаўленыя чытачы з вялікім задавальненнем набылі кнігі пра свайго новага сябра Вухуціка і атрымалі ад пісьменніцы пажаданні і аўтограф.
Інфармацыя падрыхтавана па матэрыялах Выдавецкага дома «Звязда».