У выдавецтве “Беларусь” выйшла ў свет паэма Адама Міцкевіча “Пан Тадэвуш”

Па заказе і пры фінансавай падтрымцы Міністэрства інфармацыі Рэспублікі Беларусь у выдавецтве “Беларусь” выйшаў адзін з самых значных твораў Адама Міцкевіча – “Пан Тадэвуш”.

Поўная назва кнігі – «Пан Тадэвуш альбо апошні наезд у Літве: Шляхецкая гісторыя з 1811 і 1812 г. у дванаццаці кнігах вершам”.

У паэме маляўніча і яскрава намалявана цэлая галерэя арыгінальных вобразаў – прадстаўнікоў мясцовай шляхты, сялян, святароў, ваенных, пададзена шырокая карціна народнага жыцця, побыту, створаны яркія пейзажныя малюнкі, ў якіх сёння ўгадваюцца краявіды Навагрудчыны, Налібоцкай пушчы.

Як і ў шэрагу іншых твораў А.Міцкевіча, у “Пане Тадэвушу” апісаны асобныя беларускія народныя звычаі, вераванні, абрады, міфалагічныя ўяўленні, легенды і паданні.

“Пан Тадэвуш” – гэта мастацкая энцыклапедыя жыцця Беларусі канца XVII – пачатку XIX стагоддзя, напісаная геніяльнай рукой паэта-патрыёта.

Опубликовано:
Просмотров:
135
Направления:
Поделиться в соц.сетях