2018 год у нашай краіне – Год малой радзімы. Для кожнага чалавека яна свая – для аднаго гэта вёска, для некага мястэчка, а для некаторых – горад. І з гэтых дарагіх і любімых кожнаму з нас мясцін складаецца наша Радзіма – Беларусь.
Зборнік вершаў “Зямля бацькоў, святая…”, які выйшаў у свет у выдавецтве “Мастацкая літаратура”, змешчае 100 вершаў, прысвечаных малой радзіме, напісаных як класікамі беларускай літаратуры, так і сучаснымі майстрамі слова.
Выпуск выдання ажыццёўлены па заказе і пры фінансавай падтрымцы Міністэрства інфармацыі Рэспублікі Беларусь.