Прэзідэнт Беларусі Аляксандр Лукашэнка павіншаваў калектыў выдавецтва "Беларусь" са 100-гадовым юбілеем прадпрыемства.
"Яго гісторыя непарыўна звязана з лёсам нашай краіны, станаўленнем беларускай дзяржаўнасці, працоўнымі і ратнымі подзвігамі народа, развіццём нацыянальнай культуры і кнігадрукавання", - гаворыцца ў віншаванні.
Аляксандр Лукашэнка адзначыў, што сёння калектыў выдавецтва з гонарам выконвае важную місію - стварае летапіс незалежнай Беларусі, нясе людзям святло высокай духоўнасці, далучае іх да багатай гісторыка-культурнай спадчыны, вучыць любіць і шанаваць Радзіму.
"Перакананы, вашы далейшыя творчыя здзяйсненні стануць яскравым прыкладам плённай працы на карысць шчаслівай будучыні нашай любімай Айчыны", - падкрэсліў Кіраўнік дзяржавы.
Інфармацыя падрыхтавана па матэрыялах БЕЛТА.