“Як жылі продкі. Штодзённае жыццё людзей на тэрыторыі Беларусі ў Х-ХІІІ стагоддзях” – чарговая кніга серыі “Беларуская дзіцячая энцыклапедыя”.
Кніга прысвечана штодзённаму жыццю сярэдневяковага насельніцтва Беларусі. У папулярнай форме апісваецца жыццёвы шлях чалавека ад нараджэння да смерці, яго заняткі, турботы і забавы. Уяўленне аб сабе і іншых людзях, навакольным свеце і прасторы. Выданне прызначана для навучэнцаў сярэдняга і старэйшага школьнага ўзросту, але можа быць карысным для ўсіх чытачоў, якія цікавяцца гісторыяй Беларусі.
Серыя заснавана ў 2015 годзе і выходзіць у выдавецтве “Беларуская Энцыклапедыя імя Петруся Броўкі”.