На тэлебачанні і радыё выступленні кандыдатаў у дэпутаты пачнуцца з 20 кастрычніка 2019 г. Выступленні будуць праходзіць па працоўных днях. Радыёвыступленні - з 7.00 да 8.00, тэлевізійныя - з 19.00 да 20.00.
Для кандыдатаў, якія будуць балатавацца па Мінску, плануецца вылучыць эфірны час на канале "Беларусь 3", па Мінскай вобласці - на СТБ. Тым, хто будзе балатавацца па абласцях, час прадаставяць абласныя тэлерадыёкампаніі. Радыёвыступленні будуць толькі на абласных дзяржаўных радыёстанцыях. У прыватнасці, для Мінскай вобласці - гэта "Минская волна", для Мінска - "Радыё Мінск". Што тычыцца друкаваных выданняў, то для публікацыі праграм кандыдатаў у дэпутаты плануюцца дзве цэнтральныя газеты - "Звязда" і "Рэспубліка".
Кіраўнік дзяржавы 5 жніўня падпісаў указы №293 і №294 аб назначэнні выбараў у Савет Рэспублікі і Палату прадстаўнікоў Нацыянальнага сходу Рэспублікі Беларусь 7-га склікання. Яны пройдуць адпаведна 7 і 17 лістапада 2019 года. 6 жніўня на пасяджэнні ЦВК зацверджаны каляндарныя планы парламенцкіх выбараў.