Радыё «Мір» правядзе навагодні радыёмарафон у цэнтры сталіцы

Радыё «Мір» 25 снежня правядзе вялікі навагодні радыёмарафон у цэнтры сталіцы і перадасць прывітанні па ўсёй краіне.

13 гадзін і да вечара ўвесь эфір радыё — ранішняе шоу «Пад'ёмная сіла», дзённы эфір «Іўлеева lіvе», «Клёнавай вечар», «Высоцкай wееkеnd» і «Стоп! Знята» — будзе весціся з выязной студыі, якая размесціцца ў ГЗЦ Раlаzzо. Варта адзначыць, што для здзяйснення прамога вяшчання на ўсю краіну тэхнічным спецыялістам радыёстанцыі давялося «кланіраваць» усё эфірнае абсталяванне.

— Гэтым летам мы ўжо пераносілі нашу студыю наўпрост на цэнтральную плошчу мікрараёна Новая Баравая і па рэакцыі прахожых зразумелі, што людзям цікава зазірнуць за кулісы радыё і пазнаёміцца з тымі, каго яны штодня чуюць у эфіры, — дзеліцца галоўны дырэктар радыё «Мір» Аляксей Адашкін. — Цяпер вырашылі зладзіць больш эмацыянальнае мерапрыемства. Так, 25 снежня з нашай выязной студыі кожную гадзіну будзе гучаць жывая музыка ў выкананні папулярных беларускіх артыстаў. Усе наведвальнікі гандлёвага цэнтра пабываюць на бясплатным канцэрце — гэта наш навагодні падарунак.

Што да спецыяльных гасцей, то ў студыю зазірнуць гурты NАVІBАND, NІZKІZ, Раrаdе оf Рlаnеts, Без Білета, Лера Яскевіч, Аlеn HІT і Дзядзька Ваня. Слухачы і гледачы радыёмарафона пачуюць навагоднія гісторыі ад зорных удзельнікаў і пачуюць іх выступленні. Таксама мінчане і госці сталіцы змогуць у прамым эфіры перадаваць прывітанні і віншаванні.

Інфармацыя падрыхтавана па матэрыялах Выдавецкага дома «Звязда».