Больш за 500 жыхароў рэгіёна сабраліся на сустрэчы з кіраўніком ведамства ў грамадска-культурным цэнтры Гомеля. У зале максімальна розная аўдыторыя: ад прадпрымальнікаў і моладзі да маці ў дэкрэце і пенсіянераў.
У пачатку дыялогу Дзмітрый Жук прапанаваў зірнуць на падзеі апошніх ста гадоў, пра якія ўсе ведаюць са школьнага курса гісторыі, з асаблівага ракурсу — спадчыны, якую атрымала кожнае пакаленне. Ён указаў на цыклічнасць гісторыі, на наступствы войнаў, рэвалюцый і інш. «У нас ёсць унікальны шанц перадаць годны ўзровень жыцця, дабрабыту наступнаму пакаленню, каб яно развівалася, а не пачынала пад'ём з нуля. З усіх урокаў гісторыі мы павінны зрабіць адну простую выснову — нельга дазволіць абнуліць агульныя дасягненні. Усяго, што ёсць у нас сёння, мы дасягнулі разам, усе беларусы пад кіраўніцтвам Прэзідэнта», — падкрэсліў Дзмітрый Жук.