У кнігарні «Светач» у Мінску прэзентавалі альбом «Адзінства непераможнага народа»

На пляцоўцы кнігарні «Светач» Саюз пісьменнікаў Беларусі, выдавецкі дом «Звязда» і ААТ «Белкніга» прэзентавалі альбом лаўрэата прэміі «За духоўнае адраджэнне» Уладзіміра Ліхадзедава «Адзінства непераможнага народа». У гэтай кнізе сабраны ілюстрацыйны матэрыял, які адлюстроўвае падзеі ў час акупацыі Заходняй Беларусі палякамі. Тут вельмі шмат ілюстрацый, якія расказваюць і пра 17 верасня 1939 года, і пра ранейшыя гады, калі жылі нашы прашчуры ў Заходняй Беларусі.

— Безумоўна, сёння апераджаюць уплывы на розум чалавека розныя электронныя рэсурсы, Telegram-каналы, сацыяльныя сеткі. І ўсё-такі кніга — гэта вечны інструментарый выхавання і ідэалагічнай працы, — падкрэсліў старшыня Саюза пісьменнікаў Беларусі, дырэктар – галоўны рэдактар выдавецкага дома «Звязда» Алесь Карлюкевіч. — Адметна, што прэзентацыя знакавага альбома адбылася менавіта ў Дзень народнага адзінства. Гэтае свята даўно павінна было з'явіцца ў краіне, і дзякуй нашаму Прэзідэнту, што такая гістарычная справядлівасць усталявана. Гэтае свята паказвае адзінства ўсяго народа Беларусі.

На свята сабраліся госці з Казахстана, маладое пакаленне нашай краіны, творцы з Саюза пісьменнікаў Беларусі, народны артыст Эдуард Ханок.

Кніга «Адзінства непераможнага народа» ёсць ва ўсіх кнігарнях сеткі «Белкніга», яна даступная для чытачоў ва ўсіх кутках нашай краіны.

Старшыня Беларускага саюза журналістаў Андрэй Крывашэеў адзначыў, што на многіх пляцоўках і форумах, размаўляючы вочы ў вочы з калегамі, журналісты чулі запыт на сумленную, справядлівую, ілюстраваную, пададзеную ў новым гучанні беларускую гісторыю:

— Наши коллеги и в Западной Европе, и в США уже давно сделали ставку на народную историю, которая бы описывала не столько батальные сцены, не столько подвиги отдельных героев, а то, как жили люди в ту или иную эпоху. Эта книга «Адзінства непераможнага народа» как раз и делает серьезную заявку на то, чтобы показать через гравюры, марки, картины, фотографии быт, жизнь и условия, в которых формировалась белорусская государственная политическая нация. Это великолепное произведение, которое займет свое место не только на полках публичных библиотек, но и в домашних библиотеках всех образованных белорусов. Наш Президент на открытом историческом уроке сделал и озвучил государственный запрос на то, что историческое знание по различным эпохам становления белорусской государственности должно быть отражено в учебниках, монографиях и в том курсе, который мы преподаем в школах, гимназиях, университетах и колледжах. Мне кажется, что эта книга станет иллюстративным пособием для преподавателей, учителей и историков, которые будут доносить наше объективное историческое знание до максимально широких слоев белорусского населения. 

Гендырэктар «Белкнігі» Уладзімір Матусевіч запрасіў літаратараў, публіцыстаў краіны часцей завітваць у кнігарні, зрабіць іх творчымі дыялогавымі пляцоўкамі, звярнуць увагу шэраговых наведвальнікаў, пакупнікоў на тое, што на паліцах знаходзіцца мноства кніг, якія паказваць гісторыю нашай Айчыны, адлюстроўваюць яе ключавыя этапы на добрым мастацкім узроўні. Аўтарамі іх з’яўляюцца і публіцысты, палітолагі, якія працуюць у Выдавецкім доме «Беларусь сегодня», іншых айчынных дзяржаўных мас-медыя, — Андрэй Мукавозчык, Ігар Тур, Людміла Гладкая, Юрый Церах…

Падсумоўваючы сустрэчу ў «Светачы», старшыня Саюза пісьменнікаў Беларусі, дырэктар — галоўны рэдактар Выдавецкага дома «Звязда» Алесь Карлюкевіч звярнуў увагу на тое, што праект «Бацькаўшчына. У пошуках страчанага» будзе прадоўжаны ў Выдавецкім доме «Звязда» і надалей. Уладзімір Ліхадзедаў рыхтуе да выдання новы філакартычны альбом, у якім збіраецца прадставіць шырокаму колу чытачоў свае новыя гісторыка-культурныя знаходкі.  

Інфармацыя падрыхтавана па матэрыялах Выдавецкага дома «Звязда» і Выдавецкага дома «Беларусь сегодня».