Маленькія чытачы Нясвіжа пазнаёміліся з новай кнігай ад Выдавецкага дома "Звязда".
12 лістапада ў Нясвіжскай цэнтральнай раённай бібліятэцы імя Паўлюка Пранузы адбылася прэзентацыя кнігі вершаў для дзяцей Святланы Быкавай “Солнечный зайчик». Выданне пабачыла свет у гэтым годзе ў Выдавецкім доме "Звязда”.
На сустрэчу з новай кнігай і яе аўтарам прыйшлі вучні трэціх класаў Нясвіжскай сярэдняй школы № 4.
Святлана Быкава, чытаючы вершы з новай кнігі, пазнаёміла прысутных з яе галоўнымі героямі, а дзеці парадавалі аўтара і прысутных дарослых сваёй уважлівасцю, зацікаўленасцю і ініцыятыўнасцю. Таму за актыўнасць амаль усе маленькія слухачы атрымалі ад госці невялічкія прызы: закладкі і каляндарыкі з малюнкамі герояў кнігі, якія таксама надрукавала выдавецтва "Звязда”.
Напрыканцы сустрэчы Святлана Анатольеўна прапанавала юным удзельнікам разгадаць шэраг загадак на роднай беларускай мове. Праз іх дзеці пазнаёміліся з новымі словамі: “дзьмухавец”, “рыдлёўка”, “конікі”, “вавёрка”, “праменьчык” і іншымі
На заканчэнне сустрэчы Святлана Быкава падарыла бібліятэцы кнігу “Солнечный зайчик”.
Інфармацыя падрыхтавана па матэрыялах Выдавецкага дома «Звязда».