15 снежня Барысаўская грамадска-палітычная газета “Адзінства” адзначае 100-гадовы юбілей з дня выхаду першага нумара выдання.
“Известия Борисовского Совдепа”, “Рабоче-крестьянский путь”, “Вясковая праўда”, “Калгаснік “, “Зорка Барысаўшчыны”, “За камунізм”, “Камуністычная праца” – вось няпоўны пералік тых назваў, якія мела газета ў розныя перыяды гісторыі краіны. Яна не толькі адлюстроўвала гераічныя падзеі, але і была іх непасрэдным удзельнікам. Аб гэтым сведчаць шматлікія архіўныя матэрыялы выдання.
За выдатныя творчыя дасягненні газета неаднаразова ўзнагароджвалася на абласных і нацыянальных конкурсах друкаваных СМІ.
З нагоды 100-гадовага юбілею віншаванне калектыву рэдакцыі накіраваў Міністр інфармацыі Аляксандр Карлюкевіч.
“Сёння газета “Адзінства” імкнецца адпавядаць часу, паспяхова выкарыстоўвае новыя тэхналогіі пры падрыхтоўцы матэрыялаў, спалучае інфармацыйную шматграннасць з аўтарскім асэнсаваннем рэчаіснасці”, - гаворыцца ў віншаванні.