Кніга «Пакацілася сонейка» раскажа юным чытачам пра кожны месяц года

У выдавецтве «Беларуская Энцыклапедыя імя Петруся Броўкі» выйшла кніга «Пакацілася сонейка… Вершы і загадкі пра месяцы года» ў серыі «Беларускія пісьменнікі −дзецям».

Разам з кнігай дзеці ў вершах даведаюцца пра дзівы кожнай пары года. Танец сняжынак узімку, першыя пралескі і прылёт птушак увесну, яркае сонейка і смачныя ягады ўлетку, шматкаляровае ўбранне прыроды восенню – пра гэта і многае іншае расказвае аўтар кнігі Віктар Кажура.

На старонках выдання змешчаны таксама прымаўкі пра месяцы года, прапануюцца і займальныя заданні. Дзякуючы яркім ілюстрацыям і маляўнічым фатаграфіям кнігу будзе не толькі цікава чытаць, але і разглядаць.

Выданне прызначана для дзяцей малодшага школьнага ўзросту і ўключана ў спіс твораў для пазакласнага чытання ў 4 класе ўстаноў агульнай сярэдняй адукацыі з беларускай і рускай мовамі навучання па вучэбным прадмеце «Літаратурнае чытанне».

У гэтай серыі нядаўна вышла таксама кніга «Вучоныя вароны. Вершы пра птушак» Анатоля Зэкава, на старонках якой птушкі чытаюць кнігі, мятуць лісце, сумуюць па Радзіме.

Інфармацыя падрыхтавана па матэрыялах выдавецтва “БелЭн”.