Сёння, у рамках выстаўкі "СМІ ў Беларусі", адбыўся круглы стол “Учора: сёння і заўтра”, прысвечаны 65-годдзю часопіса “Маладосць”.
Мерапрыемства пачалося з уступнага слова рэдактара часопіса “Маладосць” Святланы Воцінавай, якая спынілася на гісторыі развіцця выдання. “Часопіс пачаў існаваць у культурнай прасторы Беларусі па ініцыятыве камсамольскага лідара П.М. Машэрава, а для яго першага нумара спецыяльна пісаў народны паэт Якуб Колас”.
Зараз часопіс мае сучасны выгляд, закранае тэмы цікавыя моладзі ў тых формах, якія ёй найбольш зразумелыя і блізкія.
З нагоды юбілею Ганаровай граматай Міністэрства інфармацыі ўзнагароджаны калектыў часопіса і яго галоўны рэдактар.
Журналістаў павіншавалі калегі, прадстаўнікі Міністэрства і Саюза пісьменнікаў Беларусі.