Набліжаецца 2020 год. Кніжныя выдавецтвы краіны плануюць сваю дзейнасць з разлікам на тыя выданні, якія прыйдуць да чытачоў, пачынаючы са студзеня. У выдавецтве «Мастацкая літаратура», якое зараз шмат што выдае для юнага чытача, спраектавалі новую кніжную серыю. У лаканічных па змесце, з густам аформленых кнігах аўтары раскажуць пра адметнасці нашай краіны, пададуць тыя сістэмныя звесткі, якія адлюстроўваюць розныя тэмы.
Запланаваны да выдання кнігі з красамоўнымі назвамі: «10 пытанняў пра беларусаў»; «10 пытанняў пра нашых славутых гістарычных асоб», «10 пытанняў пра беларускія гарады і вёскі»; «10 пытанняў пра беларускія рэкі і азёры»; «10 пытанняў пра звяроў».
Дарэчы, калі ўжо зайшла размова пра кнігі, адрасаваныя юнаму чытачу, то ў «Мастацкай літаратуры» на 2020 год запланаваны да выдання творы Раісы Баравіковай (у серыі «Бібліятэка прыгод і фантастыкі»), Галіны Пшонік, Тамары Бунта, Івана Карэнды і іншых беларускіх паэтаў і празаікаў. Прадоўжыцца і рэалізацыя такога запатрабаванага пакупнікамі кнігарняў і чытачамі бібліятэк праекта, як «Дзіцячы атлас Беларусі».
Інфармацыя падрыхтавана па матэрыялах sozvuchie.by