24 мая бягучага года Любанскі раён будзе прымаць рэспубліканскую акцыю “Культурны маршрут “Мая Беларусь: сучасныя пісьменнікі – дзецям”.
У праграме – святочныя сустрэчы, наведванне літаратурнага музея Уладзіслава Сыракомлі. Выстава літаратурных матэрыялаў па Любаншчыне будзе прадстаўлена ў Дзяржаўным музеі народнай славы.
Любанская дзіцячая школа мастацтваў запросіць на літаратурна-музычную кампазіцыю па творах сучасных беларускіх паэтаў “Мы адной табе належым, Беларусь мая”.
Сустрэчы з пісьменнікамі, аўтограф-сесіі, конкурс буктрэйлераў – усё гэта і шмат іншага чакае гасцей і ўдзельнікаў акцыі.