Сустрэчы з беларускiмi пiсьменнiкамi ў мiнскiх кнiгарнях.

У мэтах папулярызацыi беларускай кнiгi ААТ «Белкнiга» сумесна з выдавецтвам «Мастацкая лiтаратура» праводзяць шэраг сустрэч з беларускiмi пiсьменнiкамi i паэтамi ў мiнскiх кнiгарнях. Пад час гэтых мерапрымстваў наведвальнiкi змогуць атрымаць адказы на свае пытаннi i набыць кнігi з аўтографамi аўтараў. За самыя цікавыя пытанні ўдзельнікі сустрэч атрымаюць прызы.

У блiжэйшы час запланаваны сустрэчы:

• 9 снежня 2014 года ў 14.00 у кнiгарне "Презентация" адбудзецца сустрэча з беларускімі пісьменнікамі Анатолем Зэкавым, Нінай Галіноўскай і ўкладальнікам кнігі "Лучынка" Зосяй Куставай;
• 10 снежня 2014 года ў 14.00 у кнiгарне "КнигаПолис" адбудзецца сустрэча з вядомым беларускім пісьменнікам Анатолем Бутэвічам;
• 12 снежня 2014 года ў 17.00 у кнiгарне "Центральный книжный магазин" адбудзецца сустрэча з беларускім паэтам, выканаўцам ўласных песен Алесем Камоцкім.