Найлепшая магчымасць пазнаёміцца са сваёй краінай – здзейсніць цікавую вандроўку па гарадах і мястэчках. “Вандроўкі па гарадах” запрашаюць выправіцца ў міні-экскурсію па Беларусі і звярнуць увагу на самае значнае і адметнае.
У выданні згадваюцца не толькі важныя імёны і даты, але і распавядаецца пра рэчы, цікавыя для маленькіх чытачоў. Незвычайныя музеі краіны, сталічныя паркі адпачынку, Гродзенскі заапарк і Гомельскі цырк – пра ўсё гэта можна прачытаць у кнізе і пры магчымасці наведаць падчас сямейнага падарожжа.
Каб дапамагчы школьнікам падрыхтавацца да ўрокаў гісторыі і лепш запомніць важныя даты, значная ўвага акцэнтавана на асноўных падзеях айчыннай гісторыі. Але прапанаваная вандроўка па гарадах – толькі нагода для грунтоўнага знаёмства з нашай краінай. Памочнікамі ў гэтай справе могуць стаць і кнігі, прысвечаныя беларускай гісторыі, і мастацкія творы гістарычнага жанру.
Выпуск выдання ажыццёўлены выдавецтвам “Беларусь” па заказе Міністэрства інфармацыі Рэспублікі Беларусь.