МІЖНАРОДНАЯ ДЗЕЙНАСЦЬ
Міжнароднае супрацоўніцтва ў сферы друку і інфармацыі Мінінфармам ажыццяўляецца ў рамках практычнай рэалізацыі міжнародных дагавораў (двухбаковыя пагадненні аб супрацоўніцтве і мемарандумы з 27 дзяржавамі блізкага і далёкага замежжа), планаў і сумесных праектаў.
Міжнародныя мерапрыемствы ў 2025 годзе.
18 сакавіка прайшло пасяджэнне Сумеснай рабочай групы па развіцці супрацоўніцтва Рэспублікі Беларусь з Кабардзіна-Балкарскай Рэспублікай Расійскай Федэрацыі.
19 сакавіка ў Мінінфарме прайшла рабочая сустрэча міністра інфармацыі з Надзвычайным і Паўнамоцным Паслом Кітайскай Народнай Рэспублікі ў Рэспубліцы Беларусь Чжан Вэньчуанем.
4 красавіка адбылася рабочая сустрэча міністра інфармацыі Рэспублікі Беларусь Маркава М.С. з Паслом Рэспублікі Узбекістан у Рэспубліцы Беларусь Назаравым Р. Д.
14 мая Міністр інфармацыі прыняў удзел у цырымоніі падпісання Мемарандума аб супрацоўніцтве ў галіне інфармацыі і друку паміж Міністэрствам інфармацыі Рэспублікі Беларусь і Міністэрствам інфармацыі, галоснасці і тэлерадыёвяшчання Рэспублікі Зімбабвэ.
22-23 мая намеснік міністра інфармацыі Язерскі Д.У. прыняў удзел у мерапрыемствах ХХ Санкт-Пецярбургскага міжнароднага кніжнага салона.
20 жніўня Міністэрства інфармацыі Рэспублікі Беларусь заключыла мемарандум аб супрацоўніцтве з Міністэрствам культуры і ісламскай арыентацыі Ісламскай Рэспублікі Іран у галіне інфармацыі і друку ў рамках афіцыйнага візіту Прэзідэнта Ісламскай Рэспублікі Іран Масуда Пезешкіяна ў Рэспубліку Беларусь.
8-9 верасня Міністр інфармацыі ў рамках службовай камандзіроўкі ў г.Маскву правёў працоўныя сустрэчы з кіраўніцтвам Федэральнай службы па наглядзе ў сферы сувязі, інфармацыйных тэхналогій і масавых камунікацый, Міністэрства лічбавага развіцця, сувязі і масавых камунікацый Расійскай Федэрацыі, кампаніі «Mediascope».
28 лістапада быў заключаны Мемарандум аб супрацоўніцтве ў галіне інфармацыі і друку паміж Міністэрствам інфармацыі Рэспублікі Беларусь і Міністэрствам інфармацыі Рэспублікі Саюз М'янма.
Адным з прыярытэтных напрамкаў дзейнасці Мінінфарма з'яўляецца развіццё супрацоўніцтва ў рамках Саюзнай дзяржавы.
У мэтах выканання пастановы Вышэйшага Дзяржаўнага Савета Саюзнай дзяржавы ад 29 студзеня 2024 г. № 3 «Аб стварэнні Медыякампаніі Саюзнай дзяржавы» Міністэрствам інфармацыі Рэспублікі Беларусь і Міністэрствам лічбавага развіцця, сувязі і масавых камунікацый Расійскай Федэрацыі ва ўзаемадзеянні з Пастаянным Камітэтам Саюзнай дзяржавы і зацікаўленымі органамі дзяржаўнага кіравання дзвюх краін працягнута работа па рэфармаванні сродкаў масавай інфармацыі Саюзнай дзяржавы і стварэнні аўтаномнай некамерцыйнай арганізацыі «Медыякампанія Саюзнай дзяржавы».
У прыватнасці, Медыякампанія была заснавана на падставе пастановы Савета Міністраў Саюзнай дзяржавы ад 5 лістапада 2024 года № 34, зацверджаны яе Статут і склад Назіральнага савета, старшынёй якога абраны Міністр інфармацыі Рэспублікі Беларусь. Дырэктарам Медыякампаніі прызначана Абрамава К.В. (Пастанова Савета Міністраў Саюзнай дзяржавы ад 10 лютага 2025 года №3).
У сакавіку 2025 года была праведзена дзяржаўная рэгістрацыя Медыякампаніі на тэрыторыі Расійскай Федэрацыі, яе заснавальнікам выступае Савет Міністраў Саюзнай дзяржавы, фінансаванне ажыццяўляецца за кошт сродкаў бюджэту Саюзнай дзяржавы.
Эфектыўнаму ўзаемадзеянню Беларусі і замежжа на інфармацыйным трэку спрыяюць таксама наладжаныя сувязі і прамыя кантакты на ўзроўні рэдакцый сродкаў масавай інфармацыі.
Давядзенне інфармацыі да замежнай аўдыторыі дзяржаўнымі СМІ ажыццяўляецца, галоўным чынам, шляхам распаўсюджвання на розных інтэрнэт-пляцоўках, а таксама ў рамках падпісаных з замежнымі партнёрамі пагадненняў аб супрацоўніцтве.