Адбылася прэс-прэзентацыя рэспубліканскай акцыі “Культурны маршрут “Мая Беларусь: сучасныя пісьменнікі дзецям”

1 лютага 2018 года ў Прэс-цэнтры Дома прэсы адбылася прэс-прэзентацыя рэспубліканскай акцыі “Культурны маршрут “Мая Беларусь: сучасныя пісьменнікі дзецям”.

Удзел у мерапрыемстве прынялі Уладзімір Ліпскі – галоўны рэдактар часопіса “Вясёлка”, Алесь Бадак – дырэктар выдавецтва “Мастацкая літаратура”, прадстаўнікі Міністэрства інфармацыі, дзяржаўных выдавецтваў “Беларусь”, “Народная асвета”, “Пачатковая школа”, “Адукацыя і выхаванне”, РВУ “Выдавецкі дом “Звязда”.

Падчас прэзентацыі прадстаўлены выданні сучасных беларускіх аўтараў, якія прымуць актыўны удзел у акцыі, агучаны умовы ўдзелу ў ёй.

Акцыя накіравана на падтрымку развіцця беларускай мастацкай літаратуры, адраджэнне традыцый чытання, знаёмства дзяцей з класічнай і сучаснай беларускай літаратурай.

Урачысты старт акцыі адбудзецца ў рамках XXV Мінскай міжнароднай кніжнай выставы-кірмашу, якая пройдзе 28 лютага – 4 сакавіка ў Адміністрацыйным комплексе па пр. Пераможцаў, 14.

Опубликовано:
Просмотров:
16
Поделиться в соц.сетях