Акцыя «Летняе падарожжа з кнігай»
Выдавецкі дом «Звязда» і ААТ «Белкніга» з 1 чэрвеня па 31 жніўня праводзяць сумесную акцыю «Летняе падарожжа з кнігай», накіраваную на падтрымку беларускіх аўтараў і развіццё нацыянальнай літаратуры, а таксама выхаванне дзяцей з дапамогай класічных і сучасных твораў, адраджэнне традыцыі сямейнага і дамашняга чытання.
Усё лета ў кнігарнях «Белкнігі» творы беларускіх празаікаў і паэтаў, адрасаваныя дзецям і выпушчаныя ў Выдавецкім доме «Звязда» на беларускай і рускай мовах, прадаюцца са зніжкай 10 %. Са спісам выданняў можна пазнаёміцца на сайце ААТ «Белкніга».
Летам падарожнічайце з кнігай!
Інфармацыя падрыхтавана па матэрыялах Выдавецкага дома “Звязда”.