Калектыў часопіса “Алеся” вырашыў наладзіць конкурс, прысвечаны маці. Удзельнікі павінны расказаць пра сваіх матуль, зрабіць іх фотапартрэты, падзяліцца іх любімым рэцэптам. Лепшыя расказы і фатаграфіі будуць надрукаваны ў часопісе.
Да ўдзелу ў конкурсе запрашаюцца як самадзейныя аўтары, так і прафесійныя фатографы. Узроставых абмежаванняў няма.
Удзельнікі конкурсу накіроўваюць у электронным варыянце свае конкурсныя фатаграфіі і тэксты на е-mail alesya@zviazda.by з указаннем імя і прозвішча аўтара і яго кантактнага тэлефона.
Конкурс "Мая матуля" праводзіцца з кастрычніка 2017 г. па люты 2018 г.
Матэрыялы прымаюцца да 15 лютага.
Да конкурсных работ прад'яўляюцца наступныя тэхнічныя патрабаванні:
фармат адлюстравання – JPEG;
памеры: для гарызантальных работ – не менш за 300 пікселяў па гарызанталі;
для вертыкальных работ – не менш чым 300 пікселяў па вертыкалі.
Агульная колькасць фатаграфій ад аднаго аўтара – у межах 20-ці.