У 2012 годзе выдавецтва “Мастацкая літаратура” пачала выпуск збору твораў у 25-ці тамах Уладзіміра  Караткевіча.

Да 87-годдзя з дня нараджэння пісьменніка ў яго музеі ў Оршы адбылася прэзентацыя 15 тамоў, якія пабачылі свет. Перад навучэнцамі гімназіі, што знаходзіцца непадалёку ад музея Уладзіміра Караткевіча, і прадстаўнікамі мясцовай інтэлігенцыі выступілі галоўны рэдактар “Мастацкай літаратуры” Віктар Шніп, паэт Генадзь Пашкоў, пісьменніца, супрацоўніца часопіса “Маладосць” Маргарыта Латышкевіч і паэт, супрацоўнік музея Максіма Багдановіча Міхаіл Бараноўскі.