Міністр інфармацыі Уладзімір Пярцоў павіншаваў калектыў установы «Рэдакцыя газеты «Голас Веткаўшчыны» з 90-годдзем з дня выхаду першага нумара.

«Ваша выданне мае багатыя гісторыю і традыцыі, імкнецца адпавядаць часу, усебакова асвятляе грамадска-палітычнае, сацыяльна-эканамічнае, культурнае жыццё краіны і рэгіёна, дапамагае органам мясцовай улады ў вырашэнні штодзённых праблем людзей. Аўтарскаму калектыву газеты ўласцівы грамадзянская пазіцыя, адказнасць, прынцыповасць», – адзначаецца ў віншаванні.

Уладзімір Пярцоў выказаў упэўненасць, што творчы патэнцыял супрацоўнікаў рэдакцыі, адданасць традыцыям, якія былі закладзены старэйшымі пакаленнямі журналістаў, дадуць магчымасць калектыву дабіцца новых перамог, заўсёды ісці ў нагу з часам.

Міністр пажадаў калегам творчага натхнення, шмат цікавых публікацый, добрага настрою, моцнага здароўя і дабрабыту.