Разам з творчай моладдзю

Разам з творчай моладдзю

18 кастрычніка ў Нацыянальным прэс-цэнтры Рэспублікі Беларусь адбылася прэс-канферэнцыя “Аб мерапрыемствах, накіраваных на ўзмацненне камунікацыі з творчай моладдзю”.

Мерапрыемства пачалося з уступнага слова дырэктара РВУ  “Выдавецкі дом “Звязда” Паўла Сухарукава, які адзначыў, што таленавітая моладзь Беларусі мае ўсе ўмовы для творчага развіцця, а такія часопісы, як  “Маладосць” і “Бярозка”, з’яўляюцца выдатнымі стартавымі пляцоўкамі для тых, хто пачынае свой шлях у літаратуры.

Рэдактар часопіса “Маладосць” Святлана Воцінава анансавала новы праект MALADOST-Unlimited – пакет электронных тэматычных зборнікаў, створаных па матэрыялах, друкаваных у часопісе ў розныя часы. На дадзены момант плануецца сем такіх зборнікаў:
Maladost-arch (самыя цікавыя публікацыі мінулых дзесяцігоддзяў), Maladost-non-fiction (самыя актуальныя артыкулы), Maladost-fiction (проза), Maladost-fan (фантастыка і фэнтэзі), Maladost-trans (пераклады), Maladost-smile (гумар), Maladost-history (гістарычныя матэрыялы). Ідэю праекта рэдакцыя “Маладосці” запазычыла ў амерыканскай газеты “TheNewYorkTimes”. Цалкам MALADOST-Unlimited будзе прадстаўлены чытачам у 2018 годзе, але першы зборнік серыі Maladost-smile ужо падрыхтаваны і ў хуткім часе з’явіцца ў продажы на https://www.belpressa.by/.

Не абышлі ўвагай і конкурс маладых літаратараў “Першацвет”. Аб ім з нагоды завяршэння прыёму заявак (30 кастрычніка) распавёў дырэктар выдавецтва “Мастацкая літаратура” Алесь Бадак, які выказаў спадзяванне, што хто-небудзь з удзельнікаў “Першацвета” ў блізкай будучыні напіша сапраўдны нацыянальны бестселер. Падрабязней з умовамі конкурсу можна пазнаёміцца на http://sozvuchie.by/proza/item/286-pershatsvet-2017.html.

Напрыканцы сустрэчы было адзначана, што часосопіс “Маладосць” будзе друкаваць мастацкія творы маладых людзей да 35-гадовага ўзросту.

Опубликовано:
Просмотров:
11
Поделиться в соц.сетях