За шматгадовую добрасумленную працу ў сферы масавай інфармацыі ўзнагароды Мінінфарма атрымалі супрацоўнікі Нацыянальнага прэс-цэнтра.

За шматгадовую добрасумленную працу ў сферы масавай інфармацыі, вялікі асабісты ўклад і эфектыўнае садзейнічанне ў рэалізацыі дзяржаўнай інфармацыйнай палітыкі нагрудным знакам «Выдатнік друку Беларусі» узнагароджаны дырэктар дзяржаўнай установы «Нацыянальны прэс-цэнтр Рэспублікі Беларусь» Сяргей Протас.

За высокі прафесіяналізм у выкананні работ па адміністраванню і інфармацыйнаму напаўненню інтэрнэт-рэсурсаў прэс-цэнтра Ганаровай граматай Міністэрства інфармацыі ўзнагароджаны вядучы спецыяліст аддзела інтэрнэт-праектаў Наталля Маеўская.

Падзяка Міністра інфармацыі за вялікі асабісты ўклад у забеспячэнне каардынацыі і адміністравання інтэрнэт-рэсурсаў Нацыянальнага прэс-цэнтра Рэспублікі Беларусь аб’яўлена вядучаму спецыялісту аддзела інтэрнэт-праектаў Уладзіміру Таяноўскаму.