Выдавецкі дом "Звязда" прэзентаваў кнігу Надзі Букі ў "Светачы"
7 чэрвеня ў адноўленай краме “Светач” сеткі “Белкніга” мастачка і пісьменніца Надзя Бука прэзентавала сваю дзіцячую кнігу “Бася і яе чароўны свет”, якая днямі пабачыла свет у Выдавецкім доме “Звязда”.
Гэта казка, як і папярэдняя кніга аўтара “Бася і Піглас”, – пра добрыя ўчынкі і сямейныя каштоўнасці, пра натхненнне і бязмежныя дзіцячыя фантазіі.
Наведвальнікі сустрэчы пазнаёміліся з новымі чароўнымі персанажамі – гласпіямі, бубласамі, Пувай, Атыкекай. Як і ў першай кнізе, галоўная гераіня Бася вучыцца дабрыні і спачуванню блізкаму, а таксама вучыць чытачоў верыць у цуды і ствараць свае ўласныя казачныя сусветы.