Зацверджаны план выпуску сацыяльна значнай літаратуры на 2018 год

Адбылося пасяджэнне калегіі Міністэрства інфармацыі Рэспублікі Беларусь, на якім сярод іншых пытанняў быў разгледжаны праект плана выпуску сацыяльна значнай літаратуры на 2018 год.

Прадстаўлены ўпраўленнем выдавецкай і паліграфічнай дзейнасці Мінінфарма праект плана выпуску ў 2018 годзе сацыяльна значных выданняў сфарміраваны ў адпаведнасці з Палажэннем аб парадку фарміравання плана выпуску сацыяльна значных выданняў, зацверджаным пастановай Савета Міністраў Рэспублікі Беларусь ад 20 чэрвеня 2013 г. № 501, на падставе прапаноў зацікаўленных дзяржаўных органаў, выдавецтваў і іншых арганізацый. Праект плана 26 снежня б.г. разгледжаны Экспертным саветам па фарміраванні плана выпуску сацыяльна значных выданняў і рэкамендаваны да зацвярджэння.

План выпуску сацыяльна значных літаратурна-мастацкіх выданняў, у тым ліку кніг серыі "Школьная бібліятэка", сфарміраваны з улікам прапаноў Міністэрства культуры Рэспублікі Беларусь, Міністэрства адукацыі Рэспублікі Беларусь і ГА "Саюз пісменнікаў Беларусі".
Опубликовано:
Просмотров:
43
Поделиться в соц.сетях