21 лютага 2017 г., у Міжнародны дзень роднай мовы, дадзены старт рэспубліканскаму конкурсу юных чытальнікаў «Жывая класіка», удзел у якім прымаюць навучэнцы ўстаноў агульнай сярэдняй адукацыі, дадатковай адукацыі дзяцей і моладзі ўсёй Беларусі.

Асноўныя задачы конкурсу – павышэнне цікавасці дзяцей і падлеткаў да чытання, выхаванне падрастаючага пакалення на лепшых узорах нацыянальнай літаратуры, прыцягненне ўвагі грамадскасці да праблематыкі чытання, пошук і падтрымка таленавітай моладзі.

Заснавальнікамі конкурсу з’яўляюцца Міністэрства інфармацыі Рэспублікі Беларусь, Міністэрства адукацыі Рэспублікі Беларусь, ГА «Саюз пісьменнікаў Беларусі», ЗАТ «Сталічнае тэлебачанне».

14 чэрвеня 2023 года ў Мінску, у Саюзе пісьменнікаў, адбыўся паўфінал Рэспубліканскага конкурсу юных чытальнікаў «Жывая класіка», у якім прынялі удзел таленавітыя юныя чытальнікі з усіх рэгіёнаў нашай краіны. Пераможцы абласных і Мінскага гарадскога этапаў конкурсу прадставілі літаратурныя, творчыя шэдэўры класікаў беларускай літаратуры ў сваім выкананні. 

2023 год у Беларусі аб'яўлены Годам міру і стварэння, гэта працяг Года гістарычнай памяці, сапраўднай, праўдзівай шматпакутнай гісторыі нашага народа. І сёння, простыя і ўсім зразумелыя словы «свет» і «стварэнне» напаўняецца асаблівым сэнсам, зместам і стаўленнем. Да творчай спадчыны класікаў і сучасных беларускіх аўтараў была звернута ўвага ўдзельнікаў конкурсу, сярод якіх навучэнцы ўстаноў агульнай сярэдняй адукацыі і ўстаноў дадатковай адукацыі дзяцей і моладзі.

Сёлета ў творчых чытаннях прынялі ўдзел амаль 10 тысяч дзяцей ў чатырох узроставых катэгорыях: 1-4 класы; 5-6 класы; 7-8 класы і 9-10 класы.

Пасля яркіх выступленняў усіх 17-ці ўдзельнікаў конкурсу прафесійнае журы размеркавала паміж імі прызавыя месцы.

Узроставая катэгорыя I-IV класы:

1 месца — Марыя Сарган, ДУА «Гімназія г.Дзяржынск»,

2 месца — Ксенія Карнеева, ДУА «Гімназія №10 імя Мітрапаліта Філарэта (Вахрамеева) г.Гродна»,

3 месца — Яна Шэрагава, ДУДА «Віцебскі абласны палац дзяцей і моладзі»,

                   Яраслаў Грабчанкоў , ДУА «Цэнтр творчасці дзяцей і моладзі Навабеліцкага раёна г.Гомеля»,

                  Ганна Малышчык, ДУА «Пескаўская сярэдняя школа» Кобрынскага раёна».

Узроставая катэгорыя V-VI класы:

1 месца — Станіслаў Ткачонак, ДУА «Магілёўская гарадская гімназія №1»,

2 месца — Вольга Астапенка, ДУА «Цэнтр творчасці дзяцей і моладзі Навабеліцкага раёна г.Гомеля»,

                    Дар’я Рыжковіч, ДУДА «Цэнтр творчасці, турызму і экскурсій дзяцей і моладзі г.Жодзіна»,

3 месца — Павел Скрыцкі, ДУА «Сярэдняя школа № 9 г. Брэста».

Узроставая катэгорыя VII-VIII класы:

1 месца — Станіслаў Мартысюк, УА «Брэсцкі дзяржаўны абласны цэнтр маладзёжнай творчасці»,

2 месца — Юлія Голубева, ДУА «Верхнядзвінская гімназія імя І.А.Макеенка»,

                     Дар’я Бязручанка – ДУА «Сярэдняя школа № 27 г.Мінска»,

3 месца — Іван Гуржы, ДУА «Гімназія №36 г.Гомеля імя І.Мележа».

Узроставая катэгорыя IX-X класы:

1 месца — Дар’я Ляўкавец, УА «Брэсцкі дзяржаўны абласны цэнтр маладзёжнай творчасці»,     

                    Марыя Зайцава, ДУДА «Палац дзяцей і моладзі г.Наваполацка»,

3 месца — Паліна Хілімончык, ДУА «Вензавецкая сярэдняя школа» Дзятлаўскага раёна,

                     Марыя Рак, ДУА «Сярэдняя школа № 20 г.Барысава».

Удзельнікі рэспубліканскага конкурсу юных чытальнікаў «Жывая класіка» 2 верасня а 12 гадзіне прымуць удзел у Гала-канцэрце, які пройдзе ў Гарадку Віцебскай вобласці падчас правядзення Дня беларускага пісьменства.

Трансляцыю фінала пакажуць на тэлеканале «Сталічнае тэлебачанне» 3 верасня ў 17:00.