Нацыянальны конкурс «Мастацтва кнігі»

У мэтах вызначэння лепшых выдавецкіх праектаў, якія сталі падзеяй у нацыянальным кнігавыданні, павышэння мастацкай і паліграфічнай культуры беларускай кнігі, далейшага развіцця кніжнага мастацтва, папулярызацыі лепшых дасягненняў выдавецтваў рэспублікі за 2018 год 17-18 студзеня 2019 года Міністэрствам інфармацыі Рэспублікі Беларусь будзе праведзены Нацыянальны конкурс "Мастацтва кнігі "(LVIII).

Выдаўцы, якія жадаюць прыняць удзел у конкурсе, павінны да 10 студзеня 2019 года прадставіць ва ўпраўленне выдавецкай і паліграфічнай дзейнасці Мінінфарма лепшыя выданні, выпушчаныя ў 2018 годзе, а таксама заяўку выдавецтва і даведку аб выданні, што вылучаецца на конкурс.

Па кожнай заяўленай намінацыі ад выдавецтва прадстаўляецца не больш за 2 выданні (у адным экзэмпляры).


Намінацыі Нацыянальнага конкурсу:

I. Гран-пры конкурсу – намінацыя “Трыумф” (з уручэннем дыплома імя Ф.Скарыны і памятнага знака-сімвала “Вялікі залаты фаліянт”).

II. Тэматычныя намінацыі (з уручэннем спецыяльнага дыплома і памятнага знака-сімвала “Малы залаты фаліянт”):

  • “ЛІТ-фармат” (выданні літаратурна-мастацкага напрамку);

  • “Падручнік новага стагоддзя”  (выданні навучальнага напрамку);

  • “Фотапогляд” (фотаальбомы, фотакнігі);

  • “Разам з кнігай мы расцём” (кнігі для дзяцей і юнацтва);

  • “Залатыя скрыжалі” (даведачныя і энцыклапедычныя выданні);

  • “АРТ-кніга” (выданні па выяўленчым мастацтве, факсімільныя, рэпрынтныя, бібліяфільскія выданні);

  • “Эўрыка” (навуковыя, навукова-папулярныя выданні);

  • “Духоўнасць” (выданні духоўна-асветніцкага напрамку). 

III. Спецыяльныя намінацыі (з уручэннем спецыяльнага дыплома і памятнага знака-сімвала “Малы залаты фаліянт"):

  • “За ўклад у захаванне духоўнай спадчыны”;

  • “Сцяжынкамі роднага краю” (выданні, прысвечаныя Году малой радзімы);

  • “Садружнасць” (сумесныя выдавецкія праекты);

  • “У люстэрку часу” (кнігі, выдадзеныя па заказу).

IV. Персанальная намінацыя “Майстэрства” (Лепшы ілюстратар кнігі, лепшы дызайнер кнігі, лепшы фотамастак з уручэннем спецыяльнага дыплома і памятнага знака-сімвала “Малы залаты фаліянт”).