Мінінфарм праводзіць конкурс на лепшы журналісцкі матэрыял аб жніве-2023
Міністэрства інфармацыі сумесна з Беларускім прафесійным саюзам работнікаў культуры, інфармацыі, спорту і турызму праводзіць Рэспубліканскі творчы конкурс сярод журналістаў СМІ на тэму ўборачнай кампаніі 2023 года «Хвала рукам, што пахнуць хлебам».Да ўдзелу ў Конкурсе дапускаюцца журналісты і творчыя работнікі друкаваных і тэлерадыёвяшчальных СМІ, інфармацыйных агенцтваў, сеткавых выданняў, якія знаходзяцца ў шэрагах галіновага прафсаюза, па прадстаўленні рэдакцыі сродку масавай інфармацыі, інфармацыйнага агенцтва, у адпаведнасці з намінацыямі Конкурсу.
На конкурс прадстаўляюцца матэрыялы, апублікаваныя ў друку або якія выйшлі ў эфір тэлевізійных або радыёвяшчальных СМІ, размешчаныя на інтэрнет-сайтах у перыяд уборачнай кампаніі 2023 года.
Асноўныя мэты конкурсу — рэалізацыя задач дзяржаўнай інфармацыйнай палітыкі ў развіцці аграрнага комплексу і забеспячэння харчовай бяспекі краіны, фарміраванне павагі да чалавека працы, паказ яркіх дасягненняў у час уборачнай кампаніі, садзейнічанне выхаванню працавітасці ў моладзі на прыкладзе лепшых экіпажаў камбайнераў, працоўных калектываў.
Конкурс праводзіцца па наступных намінацыях:
· «Лепшы аўтарскі матэрыял (нарыс, рэпартаж, спецыяльны праект) у рэспубліканскіх друкаваных СМІ і сеткавых выданнях»;
· «Лепшы аўтарскі матэрыял (нарыс, рэпартаж, спецыяльны праект) у рэгіянальных друкаваных СМІ і сеткавых выданнях»;
· «Лепшы аўтарскі матэрыял (відэасюжэт, рэпартаж, спецыяльны праект), які выйшаў у эфір рэспубліканскіх тэлевізійных або радыёвяшчальных СМІ»;
· «Лепшы аўтарскі матэрыял (відэасюжэт, рэпартаж, спецыяльны праект), які выйшаў у эфір рэгіянальных тэлевізійных або радыёвяшчальных СМІ»;
· «Найлепшы фотаматэрыял у рэспубліканскіх друкаваных і сеткавых СМІ»;
· «Лепшы фотаматэрыял у рэгіянальных друкаваных і сеткавых СМІ».
У кожнай намінацыі вызначаецца адзін пераможца, які будзе адзначаны дыпломам Конкурсу і грашовай прэміяй у памеры 20 базавых велічынь.
Заяўкі прымаюцца па 25 жніўня (уключна) на адрас: 220004, г.Мінск, пр.Пераможцаў, 11, кабінет 402 з паметкай: «На конкурс «Хвала рукам, што пахнуць хлебам».
Кантактны тэлефон: +375 17 203 26 84, e-mail: ups@mininform.gov.by
Форма заяўкі на ўдзел у конкурсе
Інструкцыя аб правядзенні конкурсу
Апублікавана:
21 лiпеня 2023 в 12:22
Праглядаў:
838
