4 верасеня 2018 года ў Міністэрстве інфармацыі адбылося пасяджэнне грамадска-кансультатыўнага (экспертнага) савета па развіцці прадпрымальніцтва, на якім абмяркоўваліся праекты пастаноў Савета Міністраў Рэспублікі Беларусь “Аб пытаннях распаўсюджвання на тэрыторыі Рэспублікі Беларусь прадукцыі замежнага сродку масавай інфармацыі і ўнясенні змяненняў ў некаторыя пастановы Савета Міністраў Рэспублікі Беларусь” і “Аб зацвярджэнні Палажэння аб парадку папярэдняй ідэнтыфікацыі карыстальнікаў інтэрнэт-рэсурсу”.

Гэтыя праекты накіраваны на рэалізацыю палажэнняў Закона Рэспублікі Беларусь ад 17 ліпеня 2018 года “Аб унясенні змяненняў і дапаўненняў у некаторыя законы Рэспублікі Беларусь”.

Праекты аднагалосна былі адобраны ўсімі прысутнымі на паседжанні членамі савета з прапановай унясення ў іх нязначных рэдакцыйна-тэхнічных правак.