Упершыню ў гісторыі айчыннага тэлебачання беларус увайшоў у склад спартыўнага камітэта Еўрапейскага Вяшчальнага Саюза. Ім стаў дырэктар спартыўнага канала Белтэлерадыёкампаніі Павел Булацкі.

На асамблеі ЕВС у швейцарскай Жэневе дырэктар тэлеканала "Беларусь 5" Павел Булацкі разам з прадстаўнікамі Францыі, Ірландыі і Балгарыі быў абраны ў склад спецыяльнага спартыўнага камітэта, які шмат у чым фарміруе тэлевізійную палітыку еўрапейскіх кампаній. Старшынёй камітэта стаў Свен Лескьер з Нарвегіі.

"Права голасу ў важкай спартыўнай кіраўніцкай структуры - гэта давер з боку Еўропы, вялікае дасягненне для ўсёй краіны і ў той жа час вялікая адказнасць для нас. Нашаму каналу ўсяго 5 гадоў, але, я думаю, ён справіцца з ускладзенай на яго місіяй", - упэўнены дырэктар "Беларусь 5" Павел Булацкі.

Павел Булацкі шматразовы пераможца Нацыянальнага конкурсу "Тэлевяршыня", адзін са стваральнікаў і дырэктар тэлеканала "Беларусь 5".