Інтэрнэт-рэсурсы - эфектыўны інструмент фарміравання грамадскай думкі

Інтэрнэт-рэсурсы - эфектыўны інструмент фарміравання грамадскай думкі

Інтэрнэт-рэсурсы з'яўляюцца эфектыўным інструментам фарміравання грамадскай думкі. Аб гэтым заявіў Міністр інфармацыі Беларусі Аляксандр Карлюкевіч на XIII Беларускім міжнародным медыяфоруме "Партнёрства ў імя будучыні: лічбавы парадак для медыяпрасторы".

 Складаючы парадак дня медыяфоруму, думалі пра галоўнае - як прадставіць больш шырокую палітру кампетэнтных разважанняў аб тым, што сёння адбываецца ў медыяпрасторы. Тэма размовы акрэслена наступным чынам: інтэрнэт-рэсурсы як эфектыўны інструмент фарміравання грамадскай думкі, адзначыў Міністр.

"Журналістаў часта абвінавачваюць у спробах маніпуляваць грамадскай свядомасцю, у нас бачаць арганізатараў інфармацыйных войнаў. Можа, усё значна прасцей і журналісты ўсяго толькі шукаюць праўду, імкнуцца на словах выбудаваць дарогу ад рэальнай рэчаіснасці да ідэалаў жыццёвага ўладкавання? Але часта здараецца так, што слова становіцца каталізатарам, з'яўляецца грознай зброяй, страляе ў сэрца, душы, пранізвае свядомасць", - падкрэсліў Аляксандр Карлюкевіч.

Ён сказаў, што 5 месяцаў таму кіраўнік дзяржавы звярнуўся да журналістаў, што іх задача фарміраваць канструктыўную грамадскую думку праз своечасовую аб'ектыўную падачу матэрыялу.

Міністр заклікаў спрачацца з разуменнем, з павагай усіх каштоўнасцей свабоднага дэмакратычнага грамадства.

XIII Беларускі міжнародны медыяфорум "Партнёрства ў імя будучыні: лічбавы парадак дня для медыяпрасторы" праходзіць 11-14 верасня ў Мінску і Мінскай вобласці. У медыяфоруме прымаюць удзел каля 300 чалавек, прадстаўнікі амаль 30 краін свету - не толькі СНД, але і далёкага замежжа.
Апублікавана:
Праглядаў:
549
Крыніца: