Кнігі беларускіх выдавецтваў прадстаўлены ў Узбекістане
![](/upload/iblock/222/222cbf32fe52562a3444c9b63c308543.jpg)
Нацыянальнае кнігавыданне шырока прадстаўлена на арганізаваным Міністэрствам інфармацыі стэндзе ў рамках удзелу ў выставе беларускіх вытворцаў “Made in Belarus” у Узбекістане.
Як адзначыла Старшыня Камітэту па працы і сацыяльных пытаннях Заканадаўчай палаты Алій Мажліса Рэспублікі Узбекістан Хаджаева Мавлудахон, “мы зноў, у тым ліку праз кнігі, адкрываем для сябе вашу краіну, але ўжо сучасную, высокатэхналагічную Беларусь”.
![узбекистан выставка узбекистан выставка](/upload/medialibrary/c36/c369be5e85f3fc436704333135d312bc.jpg)
Па словах дырэктара выдавецтва “Беларуская энцыклапедыя імя П.Броўкі” Уладзіміра Андрыевіча, асаблівую зацікаўленасць у наведвальнікаў выставы выклікае энцыклапедычная, даведачная, краязнаўчая літаратура, кнігі для дзяцей.
Вялікую цікавасць у шырокага кола наведвальнікаў і ўдзельнікаў выставы выклікала прэзентацыя зборніка твораў беларускіх і узбекскіх аўтараў “Благословенный миг” з серыі “Созвучие сердец”, а таксама прэзентацыя кнігі “Янка Купала. “А хто там ідзе?” на мовах свету”, удастоеная Гран-пры Міжнароднага конкурсу “Мастацтва кнігі” дзяржаў – удзельніц СНД.
![узбекистан выставка узбекистан выставка](/upload/medialibrary/89d/89d515c4b6876e59bee7e5f6fdd9027e.jpg)