У Дзелавым і культурным комплексе Пасольства Рэспублікі Беларусь у Расійскай Федэрацыі адбыўся круглы стол «Літаратурнае пабрацімства: традыцыі ўзаемных перакладаў», арганізаваны Міністэрствам інфармацыі Рэспублікі Беларусь у межах удзелу беларускай дэлегацыі ў Маскоўскай міжнароднай кніжнай выстаўцы-кірмашы.

У мерапрыемстве прынялі ўдзел Міністр інфармацыі Рэспублікі Беларусь Аляксандр Карлюкевіч, Саветнік-пасланнік Пасольства Рэспублікі Беларусь у Расійскай Федэрацыі Наталля Кіслякова, Сустаршыня праўлення МФГС Міхаіл Швыдкой, Выканаўчы дырэктар МФГС Анатоль Іксанаў, кіраўнікі выдавецтваў, пісьменнікі, перакладчыкі Беларусі і Расіі.

У ходзе мерапрыемства былі прэзентаваныя пераклады твораў беларускіх аўтараў на мовы малых народаў Расіі, пераклады расійскіх аўтараў на беларускую мову.

Па выніках мерапрыемства намечаны шляхі далейшага развіцця супрацоўніцтва ў перакладчыцкай дзейнасці.