Міністр інфармацыі Аляксандр Карлюкевіч сустрэўся са студэнтамі і супрацоўнікамі ГДУ імя Ф. Скарыны

Міністр інфармацыі Аляксандр Карлюкевіч сустрэўся са студэнтамі і супрацоўнікамі ГДУ імя Ф. Скарыны

У фармаце адкрытага дыялогу абмеркавалі інфармацыйную прастору краіны, ролю СМІ ў жыцці грамадства і іх уплыў на грамадскую думку, развіццё беларускай літаратуры і асветы, клапатлівае стаўленне да айчыннай гісторыі. 

Як адзначыў Міністр інфармацыі Беларусі Аляксандр Карлюкевіч, ГДУ імя Ф. Скарыны — важная ўстанова ў сістэме адукацыі краіны, а таму значным падаецца погляд моладзі на гэтыя накірункі сацыяльнага жыцця. І дыялог атрымаўся.

— Вельмі прыемна, што было столькі цікавых пытанняў, — ацаніў размову Аляксандр Карлюкевіч. — І задавалі іх у асноўным не выкладчыкі, а студэнцкая моладзь першых, другіх і іншых курсаў. Былі пытанні пра самаідэнтыфікацыю нашай суверэннай краіны — мне здаецца, гэта актуальна. З цікавасцю адказваў на тыя, што звязаны з гісторыяй, асветніцтвам. Шмат новага адкрыў для сябе не толькі пра Гомельшчыну, але і пра Гомельскі дзяржаўны ўніверсітэт імя Скарыны. Студэнты ўважлівыя да айчынных масмедыя, цікавяцца іх роляй у сацыяльным, эканамічным жыцці грамадства. Гэта гаворыць пра высокі палітычны ўзровень студэнцкай моладзі, пра яе грамадскую і сацыяльную актыўнасць. 

Пасля сустрэчы Міністр інфармацыі наведаў літаратурны музей "Alma-Mater", цэнтр навучання кітайскай мове, а таксама літаратурна-асветніцкі цэнтр "Патрыётыка" на філалагічным факультэце ВНУ.

Гомель_2.jpg

Гомель_3.jpg

Гомель_4.jpg

Крыніца: http://gp.by
© Правда Гомель
Апублікавана:
Праглядаў:
36
Падзяліцца ў сац.сетках