Прэзентацыя навінкі ад выдавецтва “Пачатковая школа”
Выдавецтва “Пачатковая школа” прэзентавала навінку пад аўтарствам беларускай пісьменніцы Алены Масла. Імпрэза адбылася ў краме “Кнігаполіс”.
Кніга “Балотныя прыгоды. Цікавінкі ад Бульбінкі і Журавінкі” распавядае пра таямнічы і захапляльны свет беларускіх балот. У займальнай форме аўтар знаёміць дзяцей з асаблівасцямі іх утварэння, відамі і значэннем у прыродзе. Асобнае месца ў кнізе адведзена знаёмству з жывёльным і раслінным светам балот. Кніга ўтрымлівае таксама простыя кулінарныя рэцэпты, а яшчэ займальную гульню па матывах казачнага падарожжа.
Дзецям было цікава слухаць гісторыі аўтара, легенды, а таксама знаёміцца з героямі кнігі.
Напрыканцы прэзентацыі быў праведзены розыгрыш, пераможцам якога стаў хлопчык, які і атрымаў у падарунак “Балотныя прыгоды. Цікавінкі ад Бульбінкі і Журавінкі”.
(фотаздымкі: Яна Сабіна)