Нацыянальны дзіцячы адукацыйна-аздараўленчы цэнтр "Зубраня" праводзіць XIV фестываль-конкурс дзіцячых сродкаў масавай інфармацыі "Свежы вецер", паведамілі ў галоўным упраўленні па адукацыі Мінаблвыканкама.

Мэта мерапрыемства - стварэнне ўмоў для эфектыўнага фарміравання інфармацыйнай культуры, патрэбы да самарэалізацыі навучэнцаў у галіне дзіцячай журналістыкі. Арганізатарам выступае Міністэрства адукацыі Беларусі.

Да ўдзелу запрашаюцца вучні 7-9 класаў, якія займаюцца журналістыкай, удзельнічаюць у падрыхтоўцы і выпуску радыё - і відэапраграм, інтэрнэт-блогаў, дзіцячых газет і часопісаў.

Тым, хто хоча паспрабаваць свае сілы ў творчым спаборніцтве, неабходна да 15 верасня накіраваць у аргкамітэт заяўку і конкурсныя матэрыялы.

У ліку патрабаванняў да матэрыялаў - змястоўнасць і інфармацыйная насычанасць, адпаведнасць структуры і фармату, арыгінальнасць афармлення і тэхнічнага выканання, сацыяльная значнасць, грамадская і тэматычная накіраванасць.

Да ўдзелу ў фінале, які адбудзецца ў кастрычніку-лістападзе, будуць адабраныя лепшыя працы.

Пераможцы фестывалю-конкурсу атрымаюць галоўны прыз - "Крыштальнага зубра".

Вынікі будуць апублікаваныя ў сродках масавай інфармацыі і на афіцыйным сайце "Зубраняці".